Bu gün Xəzər TV-nin rəhbəri, Xalq artisti Murad Dadaşov AzTV-nin Teleradio Akademiyasının qonağı olub.

O, Teleradio Akademiyasının dinləyiciləri üçün keçirilən ustad dərsində müasir jurnalistikanın aktual problemləri, yeni dövrün tələbləri, gənc nəslin bu sahəyə olan marağı və digər mövzular ətrafında danışıb.

İnteraktiv şəkildə keçirilən görüşün sonunda Murad Dadaşov televiziya və radionun inkişafı istiqamətindəki ən son yeniliklərlə bağlı Teleradio Akademiyasının dinləyicilərini maraqlandıran sualları cavablandırıb.