Əmək bazarı cəmiyyətin sosial-siyasi və iqtisadi həyatında vacib və planlı sahədir. Əmək bazarında iş qüvvəsinin dəyəri qiymətləndirilir, əməyin şəraiti, əmək haqqının kəmiyyəti, təhsil almaq imkanları, məşğulluğun təminatı və sairə müəyyənləşdirilir. Əmək bazarı ilə peşə sektoru məşğulluq dinamikasının əsas tendensiyalarını özündə əks etdirir və cəmiyyətdə yeni çağırışlara uyğun inkişaf istiqamətlərini müəyyənləşdirmək imkanı yaradır.

AzTV-nin “Çıxışa doğru” verilişində aparılan müzakirələr zamanı bu barədə məlumat verilib. Verilişin qonaqları İnsan resursları üzrə mütəxəssis İlkin Məcidov, Təhsil Nazirliyi yanında İctimai Şuranın məsul katibi, fəlsəfə doktoru İlqar Orucov, Azərbaycan Dövlət Neft və Sənaye Universitetinin İctimaiyyətlə Əlaqələr və Marketinq Departamentinin direktoru Bəhruz Nəzərov, “Veysəloğlu” Şirkətlər Qrupunun Xarici Kommunikasiyalar şöbəsinin mudiri İlkin Bağırov mövzu ətrafında müzakirə aparıblar.