"AZƏRBAYCAN TELEVİZİYA VƏ RADİO VERİLİŞLƏRİ" QAPALI SƏHMDAR CƏMİYYƏTİ

İDMAN

Azərbaycanın daha bir boksçusu U-17 Avropa çempionu olub

12.10.2026, 09:47

Bu dəfə fəxri kürsünün ən yüksək pilləsinə Məhəmmədəli İstamov (57 kiloqram) qalxıb.

O, finalda Con Elamı (İngiltərə) məğlub edib – 4:1 (29:28, 30:27, 28:29, 29:28, 29:28).

Beləliklə, milli komanda U-17 Avropa çempionatını 8 (2-3-3) medalla başa vurub.

İstamovdan öncə Cəmilə Muradlı (57 kiloqram) qızıl, Həsrət Məmmədov (46 kiloqram), İsmayıl Nəsirzadə (52 kiloqram), Səma Abbasova (66 kiloqram) gümüş, Qardaş Rəhimov (54 kiloqram), Hidayət Məmmədov (70 kiloqram) və Xumar Cəfərli (+80 kiloqram) bürünc mükafata sahib olublar.

Qeyd edək ki, çempionatda 40 ölkədən 473 (314 oğlan, 159 qız) idmançı mübarizə aparırdı.