“Azərbaycan Televiziya və Radio Verilişləri” QSC-nin Analitik qrupu 2022-ci ilin növbəti rəy sorğusunu Zaqatalada keçirib.
Sorğu 11 iyun tarixində təsadüfi seçilən 75 Zaqatala sakini arasında baş tutub.
“AzTV-də hansı proqram sizə daha maraqlı gəlir?” sualına 33 respondent “AzTV Xəbər” cavabını verib. “Muğam” müsabiqəsinə maraq göstərənlər 27 nəfərdir.
Respondentlər arasında “Həftə” verilişini izləyənlər 24 nəfərdir.
Siyahıda 4-cü yeri “Gün başladı” verilişi tutur. Verilişi izləyənlər respondentlərin 17-sini təşkil edir.
5-ci yerdə isə 16 respondent səsi ilə “Gəncsən” verilişi qərarlaşıb.
“AzTV-də hansı efir simasını tanıyırsınız?” sualına cavab verənlərin 22-si “Muğam” müsabiqəsinin aparıcılarından biri Natəvan Osmanlının adını çəkib. Həmid Əsədzadə 14, İlham Rəhimli 12, Xədicə Sənanqızını isə 11 səs toplayıb.
“QSC-nin nəzdində fəaliyyət göstərən media subyektlərindən hansına daha çox vaxt ayırırsınız?” sualının cavabı isə aşağıdakı kimidir:
1. AzTV – 24 səs
2. Mədəniyyət TV – 18 səs
3. İdman TV – 14 səs
4. Azərbaycan Radiosu (105 FM) – 3 səs
AzTV-nin xəbər verilişlərinin ən çox izləniləni “AzTV Xəbər”in 20:00 buraxılışı olub. Respondentlərin 35-i gündəlik xəbərləri məhz bu buraxılışdan aldıqlarını deyiblər. “Region xəbərləri” isə 13 respondent rəyi ilə ikinci yerdədir. Xüsusi buraxılışlar 12, “AzTV Xəbər”in 16:00 buraxılışı 9 respondentin seçimi olub.
“İqtisadiyyat xəbərləri”nə baxanlar isə 6 nəfər olub.
Respondentlər QSC-nin fəaliyyətini daha çox “YouTube”dan izləyir. Onların 39-u belə deyib. Respondentlərin 25-i qurumun fəaliyyətini “Facebook”dan, 21-i “Instagram”dan, 12-si isə “Telegram”dan izlədiyini dilə gətirib. 17 respondent isə ümumiyyətlə sosial şəbəkələri izləmədiyini bildirib.
24 respondent deyib ki, AzTV-ni, əsasən, saat 20:00-22:00 aralığında izləyir. Saat 18:00-dan 20:00-a kimi izləyənlər isə 17 nəfər təşkil edir. 14:00-16:00, 22:00-00:00, 12:00-14:00 saat aralıqları da müvafiq olaraq AzTV-nin çox izlənilən vaxtlarıdır.
Respondentlərdən “Azərbaycan teleməkanında hansı layihələri AzTV-də görmək istəyərsiniz?” soruşulub. Cavablar aşağıdakı kimi olub:
1. Hərbi-vətənpərvərlik – 35 səs
2. Xarici verilişlər – 27 səs
3. Təhsil – 25 səs
4. Maarifləndirici – 19 səs
5. Əyləncəli – 13 səs
Respondentlərə “Mədəniyyət” kanalı ilə bağlı da suallar verilib.
Sözügedən kanalın ən çox maraq görən proqramları isə aşağıdakı kimidir:
1. “Mədəniyyət xəbərləri” – 26 səs
2. “Ovqat” – 21 səs
3. “Dərs saatı” – 18 səs
4. “Kadra düşməyən həqiqətlər”, “Yadigarlar”, “Qırmızı xalı” – 17 səs
5. “Nağıl vaxtı” – 12 səs
Zaqatalalı respondentlər arasında Mədəniyyət TV-nin ən çox tanınan efir simaları:
1. Nəcibə Əlixanova – 18 səs
2. Səyyarə Səyyaf – 12 səs
3. Mehriban Zəki – 11 səs
4. Flora Xəlilzadə və Hüseyn Hüseynov – 10 səs
5. Səbinə Öz – 9 səs
Sorğu iştirakçıları İdman TV-nin ən tanınmış simaları siyahısını aşağıdakı kimi müəyyənləşdirib:
1. Könül Mahmudova – 19 səs
2. Tural Məmmədli – 16 səs
3. Günay Novruzqızı – 15 səs
4. İqbal Aslanov – 14 səs
5. İlkin Baba – 12 səs
“İdman” kanalının hansı verilişi sizə daha maraqlı gəlir?” sualına cavab verən respondentlərin 15-i “Bilinməyən mən” cavabını verib.
13 nəfər sorğu iştirakçısı “İdman xəbərləri”ni izləyir. 12 respondent “İdman səhər”ə, və “Futbolun dahiləri”nə, 11-i “İdman və media”ya, 9-u isə “Ay-ulduzlu liqa”ya baxdığını deyib.
“105 FM-də hansı proqramı dinləyirsiniz?” sualına respondentlərin 11-I “Xəbərlər” cavabını verib. Siyahı aşağıdakı kimi davam edir:
“Günün nəbzi” – 7 səs
“Soruşun, cavab verək” – 6 səs
“Gəl, səhərim” – 5 səs
“Ana Vətən” – 4 səs
Respondentlər arasında hansı xəbər müxbirini tanıdıqları ilə bağlı da sorğu keçirilib. Cavablar aşağıdakı kimidir:
1. Amal Alışarlı – 13 səs
2. Pərviz İmranoğlu və Fİdan Babayeva – 11 səs
3. Ülviyyə Heydərova – 10 səs
4. Samir Oruc – 9 səs
5. Gülnaz Hacıyeva və Sabir Bilalov – 8 səs
Qeyd edək ki, rəy sorğusunun nəticələri ilə əlaqədar təqdim etdiyimiz hesabat ixtisarla dərc olunub. Nəticələrin rəy çoxluğuna görə ilk beşlikdə yer tutanları açıqlanıb.
