Ermənistan ordusunda özbaşınalıq və korrupsiya halları tüğyan edir. 44 günlük müharibədə ağır məğlubiyyətdən sonra 4 müdafiə naziri və 3 Silahlı Qüvvələrin Baş Qərargah rəisi dəyişdirilib.
Siyasi və hərbi ekspertlərin qənaətinə görə, buna əsas səbəb Ermənistan ordusunda yaşanan xaos, yüksəkrütbəli zabitlərin ordu sıralarını kütləvi şəkildə tərk etməsidir. Bu dəfə Baş nazir Nikol Paşinyanın Edvard Asryanı Silahlı Qüvvələrin Baş Qərargah rəisi təyin etməsi ölkədə böyük səs-küyə səbəb olub. O, Ermənistanda 25 fevral hərbi çevrilişinə cəhd zamanı Paşinyanın istefasını tələb edən 44 generalın ən fəallarından biri hesab olunurdu.
