GƏNCSƏN

İctimai-siyasi proqramlar Studiyasının hazırladığı "GƏNCSƏN" verilişinin əsas məqsədi gənclərin fərdi inkişafı, dünyagörüşü, təfəkkürünün formalaşması və təkmilləşdirmə proqramları sahəsində fəaliyyətlərin həyata keçirilməsi istiqamətində ekran qarşısında oturanları maarifləndirməkdən və məlumatlandırmaqdan ibarətdir. Verilişdə, eyni zamanda, gənclərlə müxtəlif sahələr üzrə söhbətlər aparılır, onların ən başlıcası vətənpərvər ruhda böyüməsi, Vətəni sevməsi üçün maraqlı müzakirələr ön plana çəkilir.
Müasir gənclərin maraq dairəsi çox fərqlidir. Texnologiyalar əsrində yaşadığımız dövrdə onlar daha nələr istəyir? Bu istiqamətdə başlayan müzakirələr verilişin sonuna qədər daha maraqlı suallarla zənginləşir. Verilişdə cavablanan sualların hər biri yenə də tamaşaçının maariflənməsi və məlumatlandırılması işinə xidmət edir.
Bunlardan başqa veriliş boyunca gənclərin müxtəlif sahələrdə əldə etdikləri nailiyyətlərdən də söhbət açılır və veriliş musiqi proqramları ilə müşaiyyət olunur.

15:00 / Şənbə