Bu gün Şuşada Qoşulmama Hərəkatının Gənclər Sammitinin yekun toplantısı təşkil olunacaq.

Sammit iştirakçıları Füzuli Beynəlxalq Hava Limanından Şuşa şəhərinə yola düşüblər.

Qeyd edək ki, 60-dan çox üzv dövlətin gənc nümayəndəsinin iştirakı ilə keçirilən Qoşulmama Hərəkatı Gənclər Sammitinin Bakı sessiyası başa çatıb. Sammitin yekun sənədləri ilə bağlı qərarlar Azərbaycanın mədəniyyət paytaxtında təsdiqini tapacaq.

Xatırladaq ki, ölkəmiz 2023-ci ilin sonunadək Qoşulmama Hərəkatına sədrlik edəcək.