27 Sentyabr - Anım Günü!
Qəhrəman şəhidlərimizi qururla anırıq!
Vətən müharibəsinin ildönümü münasibətilə hazırlanan bu çarxda şəhidlərin əziz xatirəsi bir daha yad edilir. Çarxın çəkilməsində əsas məqsədi şəhidlərin unudulmadığı, övladlarının isə Azərbaycan dövlətinə və xalqına əmanət olduğunu göstərməkdir.
Çarxda Vətən müharibəsi şəhidlərinin əziz xatirəsinə ehtiram əlaməti olaraq Bakıda keçirilmiş yürüşə baxan bir uşaq (obrazlı) nümayiş olunur. Şəhid atasının fotosunu yürüşdə görən uşaq “Ata! Atam gəldi!” deyərək anasının qucağına qaçır. Daha sonra o, “Atam sağdır” deyib şəhid olan atasının televizordakı görüntüsünə əlini uzadır.
Anası isə “Əlbəttə, sağdır. O həmişə bizimlədir!” deyir.
Bəli, ölməzliyi ilə əbədiyyət qazanan, döyüşlərdə mənfur düşmənə ağır zərbələr vuran, layiqli dərs verən şəhidlərimiz qəhrəmanlıq salnaməsinə adlarını yazmaqla Vətənin bölünməzliyinə imza atdılar. Yalnız bu yolda canından keçməyi bacaran qəhrəmanlar yetirən xalqın şəhidi olur.
Azərbaycan yenilməz, mübariz xalq olduğunu şəhidlik zirvəsinə ucalan övladlarının şücaəti, oğul itkisinə mətanətlə dözən müqəddəs anaların dəyanəti ilə təsdiqlədi.
QARABAĞ AZƏRBAYCANDIR!
Azərbaycan Respublikasının Prezidenti, cənab Ali Baş Komandanın rəhbərliyi ilə Azərbaycan xalqı və ordusu misli görünməmiş qəhrəmanlıq və şücaət göstərərək, Ermənistanın işğalçı qüvvələri üzərində qələbə qazandı. Şanlı ordumuzun canları və qanları ilə qazandığı bu uğur Azərbaycanın qüdrətinin ən yüksək nümunəsidir.
Şuşamızın və işğal altında olan bir çox ərazilərimizin azad olunmasında canlarından keçən şəhidlərimizin xatirəsini böyük minnət və ehtiramla anır, qazilərimizə şəfa, güc və qüvvət diləyirik. Azərbaycan Respublikasının üçrəngli bayrağının Azərbaycanın işğaldan azad olunmuş ərazilərində dalğalanması qürur və fəxarət mənbəyidir.
Ərazi bütövlüyümüzün bərpası istiqamətində yeni zəfər və qələbələrə doğru irəli - Qüdrətli Azərbaycan!
Qarabağ Azərbaycandır!
2020-ci il və sonra...