AZTV XƏBƏR

"AZTV XƏBƏR" proqramı hər gün 13 dəfə - 08:00, 09:00, 10:00, 12:00, 14:00, 16:00, 16:30 (Mədəniyyət), 18:00 (rus dilində), 19:00 (Region), 19:30 (İqtisadiyyat), 20:00, 00:00, 02:00 (ingilis dilində) efirə çıxır.
İnformasiya proqramları Baş Studiyasının hazırladığı xəbər buraxılışlarının əsas məqsədi ölkədə və ölkə hüdudlarından kənarda baş verənləri tamaşaçılara operativ şəkildə çatdırmaqdan ibarətdir. Buraxılışlar əsasən Mümtaz Xəlilzadə, Dilarə Səlim, Samirə Mustafayeva, Tural Məmmədli, Lalə Məmmədova, Alidə Mustafayeva, Könül Məmmədova, Natəvan Babayeva, Röya Bənənyarlı, Kazım Quliyev, Əfsanə Mehdiyeva kimi tanınmış aparıcılar tərəfindən tamaşaçılara çatdırılır.
Ölkədə baş verən ən əsas xəbərlər, Azərbaycan Respublikasının Prezidenti İlham Əliyevin imzaladığı sərəncam və fərmanlar, Prezidentin ölkədaxili və xarici səfərləri proqramın əsasını təşkil edir.
Proqramda digər ölkəəhəmiyyətli və xarici xəbərlərlə yanaşı, operativliyi sürətləndirmək məqsədilə iqtisadiyyat xəbərləri, region xəbərləri, mədəniyyət xəbərləri, idman xəbərləri üçün də müəyyən vaxt ayrılıb. Ölkədə yaşayan rusdilli və ingilisdilli tamaşaçıları nəzərə alan xəbər hazırlayıcıları hər gün müəyyən olunmuş saatlarda xəbərləri bu dillərdə də efirə yayımlayırlar.
İnformasiya proqramları Baş Studiyasının dünyanın bur sıra ölkələrində müxbir postları fəaliyyət göstərir.

Hər gün