Prezident İlham Əliyev iyunun 24-də Azərbaycan Respublikası Silahlı Qüvvələrinin hərbi qulluqçularının “Xocavəndin azad olunmasına görə” medalı ilə təltif edilməsi haqqında sərəncam imzalayıb.
Sərəncama əsasən, Azərbaycan Respublikasının Xocavənd rayonunun işğaldan azad olunması uğrunda aparılmış döyüş əməliyyatlarında iştirak edərək şəxsi igidlik və şücaət nümayiş etdirmiş 11 min 831 hərbi qulluqçu “Xocavəndin azad olunmasına görə” medalı ilə təltif olunub. Təltif olunanların 1-i general-leytenant, 3-ü general-mayor, 21-i polkovnikdir.
Təltif olunanlar siyahısında general-leytenant Mirzəyev Hikmət İzzət oğlu, general-mayor Cavanşir Zaur Sabir oğlu və general-mayor Kazımov Vasif Ramiz oğlu da var.