Sosial Demokratlar Partiyasının lideri Olaf Şolts Almaniyanın yeni federal kansleri seçilib.
O, bu postda 16 il hökumət başçısı olmuş Angela Merkeli əvəzləyib. Bundestaqda keçirilən gizli səsvermə zamanı 736 deputatdan 395-i Olaf Şoltsun namizədliyini dəstəkləyib.
Qələbə üçün isə sosial-demokratların liderinə 369 səs də yetərli idi. Prezident Frank-Valter Ştaynmayer kansler təyinatı barədə rəsmi sənədi Olaf Şoltsa təqdim edib. Mərasim Almaniya telekanalları vasitəsilə canlı yayımlanıb.