İşğaldan azad edilmiş ərazilərin bərpası və keçmiş məcburi köçkünlərin təhlükəsiz qayıdışının təmini məqsədilə Azərbaycana daha 5 minaaxtaran it gətirilib.

Malinua cinsli minaaxtaran itlər Marşal İrsi İnstitutu ilə Minatəmizləmə Agentliyi arasında imzalanan Anlaşma Memorandumuna əsasən, Agentliyə təhvil verilib. Xüsusi hazırlıq keçmiş minaaxtaran itlər bələdçiləri ilə uyğunlaşma təlimindən və Beynəlxalq Minatəmizləmə Standartlarına uyğun akkreditasiyadan keçirildikdən sonra Qarabağda əməliyyatlara cəlb olunacaq.