1941-ci ildə yaranan və şərəfli yaradıcılıq yolu keçən Beynəlxalq Radio artıq 24 saatlıq yayım rejiminə keçib.
Azərbaycan tarixinin, ədəbiyyatının, incəsənətinin, folklorunun təbliği ilə məşğul olan bu radio kanalı həm də dünyada və ölkədə baş verən ictimai-siyasi hadisələrlə bağlı xəbərləri, analitik şərhləri, müzakirələri, aktual müsahibələri və milli musiqilərimizi dinləyicilərə çatdırır.
Beynəlxalq Radio “Azərbaycanın səsi” adı ilə Azərbaycan, türk, fars, ərəb, rus, erməni, gürcü, kürd, ləzgi və talış dilləri daxil olmaqla 10 dildə yayımlanır.
Fəaliyyəti dövründə Xarici Verilişlər Radiosu, Xarici Verilişlər Studiyası, 1994-cü ildən Ulu Öndər Heydər Əliyevin göstərişi ilə Azərbaycan Beynəlxalq Radiosu adlandırılıb.
Əvvəllər “Bakının səsi”, indi isə “Azərbaycanın səsi” çağırışı ilə efirə çıxır.
Radiomuz hələlik yalnız azad Qarabağda 101.1 FM dalğasında yayımlanır. Yaxın gələcəkdə isə bütün Azərbaycanı əhatə edəcək.