"Azərbaycan Televiziya və Radio Verilişləri" QSC-nin Teleradio Akademiyasının 6 aylıq kurslarını uğurla başa vuran müdavimlərə sertifikatlar təqdim olunub. Tədbirdə QSC-nin sədri Rövşən Məmmədov, sədr müavini Rafiq Həşimov, Akademiyanın rektoru Telli Pənahqızı, eləcə də təhsil mərkəzinin müəllim və tələbə heyəti iştirak edib.
Qeyd edək ki, 6-cı tədris ilini yekunlaşdıran Teleradio Akademiyasında son 5 il ərzində 434 müdavim təhsil alıb. Onlardan 334-nə sertifikat təqdim edilib və 40-dan çox müdavim AzTV-də fəaliyyət göstərir.
