Ermənistan silahlı qüvvələrinin bölmələri Tərtər şəhərini artilleriya atəşinə tutmaqda davam edir.
Azərbaycan Televiziyasının əməkdaşları da bu gün 2 dəfə erməni atəşinə məruz qalıblar.
Belə ki, AzTV-nin əməkdaşı Elnur Tofiq Tərtərdəki son vəziyyəti birbaşa bağlantıda tamaşaçılara çatdıran zaman düşmən atəş açıb. Daha sonra isə TV-nin əməkdaşları çəkilişə gedərkən maşından təxminən 5 metr uzağa mərmi düşüb.
Hadisə nəticəsində xəsarət alan olmayıb.