aztv-banner

"Azərbaycantelefilm"in istehsalı olan "Kağız ev"dəki uşaqlar. Müharibə uşaqları. Onlar başqalarına əsla bənzəməz və bənzəmirlər də.
"Bura bizim evimizdi. Ermənilər oradan topa tutublar, gəlib düşüb evimizə" deyir bir cocuq.
"Müharibə mənim üçün dostumun ölümü" söyləyir bir gündə böyüyən başqa cocuq.
"Müharibə mənim üçün fəlakətdi" deyir balaca qızcığaz - kövrələrək, udqunaraq.
Gerçəkdən də, onların dünyanı görmələri, həyatı, gələcəyi fərqlidir.
"Budur qayıtmışıq yenə, atacan,
Kimi şəhid, kimi qazi, kimi ruh..."

BƏDİİ VƏ SƏNƏDLİ FİLMLƏR

SƏNƏDLİ FİLMLƏR

Kinonun sənədli film növü olmuş hadisələrin, gerçək həyatın lentə alınması əsasında yaradılır. Real hadisə və əhvalatların lentdə əks etdirilməsi nəticəsində meydana çıxan filmlər bədiilikdən kənar, xalis informasiya xronikalarından tutmuş, bütövlükdə incəsənət qanunları üzrə qurulmuş bədii-publisistik və sənədli-poetik filmlərədək müxtəlif ola bilər. Sənədli kinonun əhəmiyyəti təkcə həyat hadisələrini birbaşa və müstəqil təhlil etməkdən ibarət deyil. O, konkret faktları və hadisələri tutuşdurmaq və təhlil etmək üçün də geniş imkanlara malikdir.
Hər il "Azərbaycan Televiziya və Radio Verilişləri" QSC-nin Bədii-sənədli filmlər Studiyası və Kinoproqramlar və dublyaj Baş Redaksiyasının yaradıcı kollektivi müxtəlif mövzulu sənədli filmlərlə tamaşaçıların görüşünə gəlir. Hazırda kollektiv dövrün tələblərinə cavab verən sənədli filmlər üzərində çalışır.

Müxtəlif vaxtlarda

CANLI YAYIM